Një rënie e lehtë e çmimit të naftës në Kosovë pritet prej javës së ardhshme.
Kryetari i Shoqatës së Naftëtarëve të Kosovës, Fadil Berjani, në një prononcim për Gazetën Online Reporteri, ka dhënë detaje se sa pritet të jetë kjo rënie. Sipas tij, si zakonisht, çmimi bie për disa cent.
“Sot çmimi i naftës është 1.19 ndërsa benzina 1.21. Do të thotë se mund të bie vetëm 1 cent apo 2”, u shpreh ai.
Se a do të ndryshojë prapë çmimi në të ardhmen, sipas Berjanit varet se si përcaktohet berza dhe si vendos organizata prodhuese.
Krahasuar me vitin e kaluar, në po këtë muaj, çmimi i naftës ka qenë më i lirë.
“Krahasuar me vitin e kaluar, po këtë muaj, diferenca ka qenë 5 cent. Për 5 cent ka qenë më lirë vitin e kaluar”, u shpreh Berjani për Reporteri.net.
Berjani po ashtu shtoi se Kosova, marrë parasysh çmimin e naftës, e ka më të lirin në regjion, përveç Maqedonisë së Veriut, e cila e ka 22 cent më lirë se Kosova.