KEDS-i e rikthen energjinë elektrike në Prishtinë pas më shumë se 20 orëve

Share Messenger

KOSTT ka njoftuar se ekipet e KOSTT dhe KEDS kanë arritur që ta eliminojnë defektin në disa lagje të Prishtinës, por për shkak të rritjes së madhe të konsumit mund të ketë reduktim të ngarkesës.

Sipas njoftimit të KOSTT, për shkak të prishjes në kabllot e tensionit 10kV në Transformatorin T3 në Nënstacionin Prishtina 2, konsumatorët e furnizuar nga ky nënstacion kanë mbetur pa furnizim me energji elektrike, shkruan GE.

“Ekipet e KOSTT dhe KEDS kanë dalë në vendin e ngjarjes nga ora 23:00 të datës 20.11.2020 për të verifikuar prishjen dhe kanë punuar sot gjatë tërë ditës për riparimin e prishjes. Në mënyrë që furnizimi të jetë i pandërprerë, kërkojmë mirëkuptim të qytetarëve për shfrytëzim racional të energjisë elektrike derisa sa KOSTT dhe KEDS të bëjnë zgjidhjen e qëndrueshme për furnizim të konsumatorëve me energji elektrike”, thuhet në njofitm.

Ndër lagjet të cilat kanë mbetur pa rrymë përfshinin Bregun e Diellit, Matiçani, Mati 1,2,3,4, si dhe Taslixhja.

Share Messenger

Më të lexuarat