Çka shkoi keq në Kosovë? Për pak ditë u trefishuan rastet me Koronavirus

Share Messenger

Përderisa në javën e parë të tetorit, numri i rasteve të reja me Covid-19 sillej rreth 50 pothuajse çdo ditë, javën e dytë dhe të tretë, numri i këtyre rasteve është shtuar dukshëm. Vetëm dje janë regjistruar 130 raste të reja me këtë sëmundje. Por, çka ndikoi në shtimin e këtyre rasteve?

Sipas Ministrit të Shëndetësisë, Armend Zemajt, rritja e numrit të rasteve vjen nga institucionet publike dhe gastronimia.

“…rritja e numrit të rasteve vjen nga institucionet publike, që është një tregues shumë i keq dhe që flet se ajo që është thënë në takimin e fundit të Komitetit se ka mos-dicipilinë në administratën shtetërore sa u përket zbatimit të masave, po del të jetë e vërtetë, pa i harruar institucionet e tjera dhe veçmas sektorin e gastronomisë, i cili bën presion çdo ditë, iu dha edhe më shumë kohë për të ushtruar veprimtarinë për një orë më shumë, ndërsa në anën tjetër nuk zbatohen masat”, ka deklaruar Zemaj.

I pari i Shëndetësisë, shtimin e rasteve e ka lidhur edhe me heqjen e Kosovës nga lista e vendeve me rrezik të lartë dhe ardhja masive e bashkë-atdhetarëve nga vendet evropiane që këtyre ditëve po shënojnë gjithashtu ngritje të madhe të rasteve me Covid-19.

“Për më tepër, në rritjen e rasteve si duket ka ndikuar edhe heqja e Kosovës nga lista e vendeve me rrezik të lartë dhe ardhja masive e bashkë-atdhetarëve këtyre ditëve në Kosovë, nga vendet evropiane që këtyre ditëve po shënojnë gjithashtu ngritje të madhe të rasteve me Covid-19”, kishte shkruar Zemaj në llogarinë e tij në Facebook.

Share Messenger

Më të lexuarat