Ambasadori i Kosovës në Ankara reagon pas tërmetit shkatërues që goditi Turqinë
Ambasadori i Kosovës në Ankara, Ilir Dugolli ka reaguar pas tërmetit që goditi Turqinë ditën e sotme.
Dugolli ka shkruar në Twitter se është pikëlluese të shohësh pamjet shkatërruese nga Izmiri, pak ditë pasi u prit ngrohtësisht në këtë qytet.
“Është shumë pikëlluese të shohësh pamjet e shkatërrimit nga Izimi, vetëm pak ditë pasi isha dëshmitar i mikpritjes së ngrohtë të këtij qyteti. Shërohuni shpejt Izmir”, ka shkruar Dugolli.
Një tërmet i fuqishëm ka goditur para pak minutash Turqinë, në qytetin Dode Dodekaneze, ku lëkundjet janë ndjerë deri në Stamboll, Izmir, Çanakkale, Denizli dhe Bursa.
Epiqendra e tërmetit që u ndie në shumë provinca u njoftua si İzmir Karabağlar. Sipas Qendrës Evropiane të Sizmologjisë, AFAD njoftoi intensitetin e tërmetit si 6.9, ballë i shkallës Rihter.
Nga pamjet që vijnë nga Turqia, bëhet fjalë për një katastrofë të madhe, edhe pse për momentin flitet për dëme të mëdha materiale dhe jo për viktima.
Këshilli i Menaxhimit të Fatkeqësive dhe Emergjencave deklaroi se tërmeti ishte 6.6 i shkallës rihter dhe epiqendra e tij Deti Egje. Tërmeti është ndier deri në ishujt grekë të detit Egje.
Şehrin meşhur sıcak misafirperverliğine tanık olduktan sadece birkaç gün sonra İzmir'den yıkım görüntüleri görmek çok üzücü. Çok geçmiş olsun İzmir!@yskosger @tuncsoyer
— Ilir Dugolli (@IlirDugolli) October 30, 2020