Tiranë: Eskalon protesta e opozitës, protestuesit përleshen me policinë

Share Messenger

Protesta e shtatë kombëtare e opozitës, deri më tani është zhvilluar paqësisht.

Por pavarësisht kësaj, ka pasur edhe disa momente tensioni, ku disa protestues kanë tentuar të çajnë kordonin e policisë, por mesa duket thirrja e Bashës për t’u tërhequr i ka qetësuar.

As në këtë protestë nuk kanë munguar kapsollat dhe tymueset që hidheshin nga protestuesit.

Këto protesta të thirrura nga opozita vijnë pasi kjo e fundit doli nga parlamenti duke djegur mandatet në fund të shkurtit me kauzën për zgjedhje të lira dhe të ndershme.

Partitë opozitare me në krye PD-në kërkojnë largimin e kryeministrit dhe ngritjen e një qeverie tranzitore që do e përgatisë vendin për zgjedhje të lira dhe të ndershme që do i hapin vendit rrugën e integrimit.

Për këtë ka reaguar edhe Ministri i Brendshëm, Sandër Lleshaj, i cili i kërkon kryedemokratit Basha që t’u bëjë thirrje protestuesve të ndalojnë sulmin ndaj forcave të policisë.

“Një oficer policie është dëmtuar nga mjetet e ndaluara shpërthyese që hodhën protestuesit. Drejtuesit e protestave duket se kanë financa të mëdha për të blerë mjete shpërthyese të ndaluara, por edhe vullnet të plotë për të goditur forcat e rendit. I bëj thirrje Lulzim Bashës që të ndalojë sulmin ndaj forcave të Policisë së Shtetit!”, shkruan Lleshaj…

Share Messenger

Më të lexuarat