A do të shkojë Prishtina në zgjedhje? Merret vendimi nga Gjykata Kushtetuese!

16 Shares Share Messenger

Gjykata Kushtetuese vendos që në Prishtinës të mos përsëritet balotazhi mes Shpend Ahmetit dhe Arban Abrashit. Rrjedhimisht, pas vendimit që pritet të dalë shumë shpejt, ish-kandidati i Vetëvendosjes, Shpend Ahmeti, do të vazhdojë mandatin e tij të dytë si kryetar i Prishtinës.

Për më shumë se një vjet, Shpend Ahmeti qeveris me Prishtinën, pa iu konfirmuar në të gjitha instancat fitorja e mandatit të dytë.

Gjatë kësaj periudhe Gjykata Kushtetuese po shqyrtonte nëse pati shkelje gjatë balotazhit që e nxori fitues Ahmetin, që atëherë garonte nën shenjën e VV’së.

Gazeta Express merr vesh nga burimet e saj se tashmë Gjykata Kushtetuese ka vendosur që në Prishtinë të mos përsëritet gara në kryeqytet.

Pak ditë më parë Express ka raportuar se Kushtetuesja do të dalë brenda kësaj jave me vendim për Prishtinën.

Zëdhënësi i Gjykatës Kushtetuese po ashtu ka konfirmuar se është në fazën përfundimtare të shqyrtimit të lëndës për balotazhin që u mbajt në dhjetor të 2017’ës.

“Lënda rreth zgjedhjeve në Prishtinë mund të them se është në fazën përfundimtare, ndërsa të tjerat janë akoma në fazat shqyrtuese”, ka thënë të martën Dula.

Megjithatë, vendimi do të dalë këto ditë, ndërsa me konstatim të Kushtetueses Arbanm Abrashit të LDK’së, i shuhen shpresat që t’ia ndërprejë mandatin e dytë në gjysmë Shpend Ahmetit.

Abrashi e kishte denoncuar fitoren në Gjykatën Kushtetuese, duke pretenduar se ka pasur parregullësi që e kanë ndihmuar ish-kandidatit të Vetëvendosjes të zgjedhet kryetar i Prishtinës me 365 vota epërsi.

Për më shumë se një vjet kur është pritur që Kushtetuesja të dalë me një konstatim, ish-kandidati i LDK’së, tash deputet, është shprehur i bindur se kryeqyteti do të shkojë së shpejti në zgjedhje.

Madje, ai është deklaruar për një rekomandim që sipas tij, ia ka bërë Këshilli i Venecias, Gjykatës Kushtetuese, sipas të cilit, ka pasur shkelje gjatë zgjedhjeve.

Mirëpo, këtë e kishte demantuar menjëherë Gjykata, duke thënë se nuk ka marrë asnjë rekomandim nga një institucion ndërkombëtar rreth çështjes në fjalë.

Share Messenger

Më të lexuarat