Shkon në 132 numri i viktimave nga koronavirusi

Share Messenger

Ka shkuar në 132 numri i të vdekurve nga koronavirusi të mërkurën. Përpos të vdekurve, janë shënuar edhe rreth 1500 raste të reja të infektimeve. Ndërkaq Japonia i ka evakuuar qytetarët e vet nga Wuhani.

Disa shtete po përpiqen t’i evakuojnë sa më shpejt shtetasit e vet nga epiqendra e virusit. Një zyrtar amerikan tha se një aeroplan i ka marrë dhjetëra qytetarë amerikanë, por nuk dihet kush ka qenë në të.

Zyrtarët amerikanë thanë se Shtëpia e Bardhë po e shqyrton mundësinë për anulimin e fluturimeve drejt Kinës si masë për parandalimin e përhapjes së koronavirusit, shkruan “Reuters”.

Frika nga përhapja e mëtejme e këtij virusi ka bërë kompanitë e fluturimeve nga mbarë bota t’i pakësojnë fluturimet drejt Kinës, ndërsa disa sektorë të tregtisë janë goditur nga shqetësimi për rritjen globale të ekonomisë.

Ndonëse disa ekspertë besojnë se virusi i ri nuk do të jetë aq vdekjeprurës sa virusi SARS, koronavirusi ka shkaktuar alarm, sepse është duke u përhapur shpejt dhe ende nuk dihen të gjitha karakteristikat e tij në mënyrë që të merren masat e nevojshme.

Japonia i largoi nga Wuhani 206 persona, ndërsa autoritetet e këtij vendi kanë planifikuar edhe fluturime të tjera.

Virusi tashmë ka arritur edhe në Evropë, më saktësisht në Francë dhe në Gjermani.

Share Messenger

Më të lexuarat