Vdekja e tij e tronditi gjithë Kosovën. Art Kurti u gjet sot pa shenja jete në një veturë në rrugën Gjakovë – Goden. Për një kohë ai u morr edhe me aktrim, në publik njihej edhe si “Gjakovari” për rolin e tij në serialin vendon “O Sa Mirë”, shkruan Gazeta Express.
Arti, u bë i njohur në serialin “O Sa Mirë”. Ai luajti në serial pothuajse për një sezonë ku u bë shumë i dashur për publikun shqiptar.
Express ka kontaktuar me producentin e “O Sa Mirë”, Fisnik Vejsa i cili Artin e përshkruan si djalë të mirë, të gëzueshëm. Vejsa ndihet i shokuar me lajmin për vdekjen e Artit.
“Djalë i mirë, i urtë, familjar… U kan shumë i shyrtehshëm, i gëzushëm, i hareshëm”, thotë Vejsa për Kurtin, në një prononcim dhënë Gazetës Express.
Art Kurti së fundmi ishte angazhuar edhe si kryetar i të rinjve në Aleancën për Ardhmërinë e Kosovës.
“Mas neve i është bashkangjit jetës politike, kohë pas kohe kemi kontaktu kemi qenë në kontakt”, shtoi Vejsa.
Më tej, Vejsa tha se është i shokuar me vdekjen tragjike të të riut.
“Lajmin e morra vesh prej portaleve, prej mediave. Jam i shiokuar”, përfundoi ai.
Policia e Kosovës ka njoftuar se dyshohet se ai bëri vetëvrasje. Në veturë është gjetur vetëm një armë dhe viktima ka pasur një fishek të shkrepur në kokë.