Presidenti serb Aleksandar Vuçiq ka njoftuar se në New York në sesionin e Këshillit të Sigurimit të Kombeve të Bashkuara për Kosovën, do të luftojë për Serbinë me gjithë zemër.
Ai theksoi se e diela ishte një ditë e vështirë jo vetëm për shkak të zgjedhjeve lokale, por edhe për shkak se po përgatitej për seancën e Këshillit të Sigurimit të OKB, transmeton Klan Kosova.
“Unë kam qenë duke u përgatitur për Këshillin e Sigurimit të OKB-së. Fluturoj me ” Air Serbia ” në mëngjes dhe do të shkojë drejt në seancë. Unë do të luftoj”, tha ai në një konferencë të jashtëzakonshme për media, transmeton Klan Kosova.
Në fjalën e tij, kreu i shtetit serb përshëndeti popullin serb në Kosovë dhe i falënderoi ata për siç tha ” luftën”, dhe tha se kryetarët e 10 komunave kanë një mesazh të qartë për Hashim Thaçin se kush është president i tyre dhe cili është vendi i tyre.
“Ushtria e Kosovës u formua kundër interesave të popullit serb. Ajo nuk mund të rrezikojë ushtrinë tonë, ose ka gjasë të rrezikojë mbijetesën e kombit tonë. E gjithë kjo është në kundërshtim me atë që flet Thaçi”, ka deklaruar Vucic.
Ndryshe, edhe presidenti Thaçi u deklarua dje pak para nisjes për në Bruksel. Ai potencoi se ushtria është një akt i pakthyeshëm dhe shtoi se FSK do të jetë ushtri e të gjithëve, përfshirë edhe serbët e Kosovës