Kurti: Shteti i Kosovës po mirret peng, jo vetëm Kadrija, por dyfish Serbia

Share Messenger

Albin Kurti i Vetëvendosjes ka komentuar zgjedhjen e Kadri Veselit si kryeparlamentar të Kosovës, duke thënë se 62 vota për Veselin teknikisht janë shumicë, por realisht nuk janë për arsye se s’janë shumica e votave shqiptare, raporton Gazeta Blic. 

“Që prej konstituimit të Kuvendit tash kapja e shtetit po ndahet në ujdi me Serbinë”, ka shkruar Kurti në Facebook.

Ja postimi i plotë i Albin Kurtit: 

Ato 62 vota të cilat votuan dje kryeparlamentarin e nesër duan ta votojnë kryeministrin, janë shumicë në Kuvend. Mirëpo, veçse teknikisht janë shumicë. Në anën tjetër, tek 58 deputetët e tjerë, ka shumë më tepër vota qytetarësh të Kosovës dhe ato janë shumica shqiptare.

Që prej konstituimit të Kuvendit tash kapja e shtetit po ndahet në ujdi me Serbinë. Kosova nuk është vetëm shtet i kapur. Shteti i Kosovës po mirret peng. Pra, jo vetëm Kadrija, por dyfish Serbia. Me strukturat paralele si mbetje e okupimit në çerekun e territorit të vendit tonë. Me partinë e saj si aksionare vendimtare për kreun e Kuvendit e të Qeverisë.

Nuk është hera e parë që shqiptarëve u duhet të përballen me krajl e me mbret.

Share Messenger

Më të lexuarat