Këto janë ministritë që do t’i drejtojë AAK-ja
Sot u nënshkrua marrëveshja për bashkëqeverisje ndërmjet koalicionit PAN dhe AKR-së.
Në bazë të kësaj marrëveshje AKR-ja do të drejtojë pesë ministri, dhe do ta ketë edhe zëvendëskryeministrin e parë.
Burime të lajmi.net brenda PAN-it bëjnë të ditur se Aleanca për Ardhmërinë e Kosovës (AAK) përveç postit të kryeministrit do të drejtojë edhe tri ministri.
Fjala është për Ministrinë e Shëndetësisë, Infrastrukturës dhe Ministrinë e Forcës dhe Sigurisë së Kosovës (FSK).
Kurse AKR-ja do të udhëheq me Ministrinë e Punëve të Jashtme, të Punëve të Brendshme, Ministrinë e Planifikimit Hapësinor, të Bujqësisë dhe Ministrinë e Zhvillimit Ekonomik.
Në marrëveshje gjithashtu është vendosur që edhe posti i presidentit pasi që t’i përfundojë mandati Hashim Thaçit, t’i takojë Behgjet Pacollit.