Kadri Binaku nga Koshtova, Bruce Lee kosovar
Gjithë jetën është munduar të duket sikur Bruce Lee. Për këtë arsye Kadri Binaku nga Koshtova e Mitrovicës gjithmonë i ka afër vetës ‘nunchaku’.
‘Jam mësu kur i kam pasur 13 vjet’ tregon ai për Klan Kosova.
Binaku nuk i ka ndalë asnjëherë stërvitjet dhe i ka përvetësuar aq mirë këto pajisje të arteve marciale saqë nuk ka frikë nga lëndimet.
58 vjeçar dhe ende qëndron mirë me reflekse.
Atij i ka mbetë merak që nuk ka mund t’i tregojë këto aftësi një publiku më të gjerë.
“Gjithë kam ëndrru një film me xhiru’, tregon ai.
Por a do të mund ta mboshte Binaku Jackie Chan pasi kanë moshë të përbashkët?
‘Jo, s’ma merr mendja. Më i ushtruar është ai”, thotë Binaku.
Fëmijët nuk ia kanë ndjekur pasionin mirëpo ai ka dhënë leksione për disa të tjerë të cilët kanë qenë të interesuar.