Ka shtëpi me 30 dhoma gjumi, por nuk i mjafton

Share Messenger

Kryeministri dhe zv/Presidenti i Emirateve të Bashkuara Arabe si dhe Udhëheqësi i Emiratit të Dubait, Sheiku Mohammed bin Rashid al-Maktoum, kërkon që të bëjë një shtesë në banesën e tij të madhe në Skoci, në mënyrë që familja e tij e shumtë në numër, së bashku me shërbëtorët, të mos rrinë “ngushtë”.

Sipas “ArabianBusiness”, Sheiku ka dëshirë që mansionit gjigant t’i shtojë edhe një banesë me 9 dhoma gjumi si dhe dy lozha për stafin.

Al-Maktoum ka disa gra dhe 23 fëmijë dhe për këtë arsye kërkon zgjerimin e pronës së tij në Skoci.

Sheiku ka një pasuri prej rreth 15 miliardë eurosh dhe pronën prej 63 mijë hektarësh e ka blerë rreth 20 vite më parë.

Familja e tij e madhe e përdor pronën për të pushuar në verë, duke qenë se në Dubai, në këtë periudhë temperatura arrin deri në 50 gradë celsius.

Share Messenger

Më të lexuarat