Haradinaj: S’ka rëndësi kush rrëzohet e çohet, veç Kosova le të mbetet në këmbë
Kryeministri Haradinaj edhe pse jo drejtëpërdrejtë e pranoi se Qeveria do e konsiderojë heqjen e taksës, por taksa asnjëherë thotë se s’mund ta rrezikojë Qeverinë.
Kryeministri i Kosovës, Ramush Haradinaj është deklaruar pas takimit që kishte me ambasadorin amerikan, Philip Kosnett, presidentin e vendit Hashim Thaçi dhe kryeparlamentarin, Kadri Veseli.
Ai tha se nuk e kupton se përse Serbia është duke kërkuar heqjen e taksës kur po ky vend ka marrë vendime të cilat janë në dem të Kosovës.
“Me rëndësia Kosova të mbetet në këmbë. Unë jam i interesuar për një marrëveshje me Serbinë për njohje reciproke obligative për të dyja vendet. Kuptohet pa çmimin e territorit dhe zajednicës. Jam për marrëveshje por s’mund të kthehemi para shkurtit 2008. Vendim i Qeverisë është vendim sovran. Pra ne nuk e kushtëzojmë dialogun me ndonjë vendim të qeverisë së Serbisë. është vendim i brendshëm. jam për kthimin e dialogut dhe arritjen e një marrëveshje” , tha Haradinaj.
“Takimi i djeshëm ka qenë mes partnerëve të koalicionit ka qenë bisedë për të gjitha sfidat që i kemi para vetës. Kemi vështirësi të mëdha. Po ekziston bindja se taksa po krijon probleme për dialogun. ekziston kjo bindje. na kërkohet që t’ia japim shansin dialogut. I dëgjojmë me kujdes këto mendime.
Unë them se tavolina e hek taksën. Por jo taksa tavolinën”, tha Haradinaj.
Shtoi se “Amerika për mua është shpia ime”
Këto komente, kreu i Qeverisë i bëri gjatë homazheve te shtatorja e Zahir Pajazitit, të cilat i zhvilloi pas takimit që ka mbajtur me ambasadorin amerikan Filip Kosnet, presidentin e vendit, Hashim Thaçi, kryetarin e Kuvendit, Kadri Veseli, të parin e AKR-së, Behgjet Pacolli, dhe liderin e Nismës, Fatmir Limaj.