Haradinaj: Këta të PDK’së më quanin dezertor edhe në luftë

Share Messenger

Kryeministri në detyrë, Ramush Haradinaj, me deklaratën e fundit ka ‘goditur’ bashkëluftëtarët e tij, duke thënë se zyrtarët e PDK’së e quanin ‘dezertor’ edhe gjatë luftës.

Haradinaj ka thënë se njerëzit e PDK’së e quanin kështu edhe nga hoteli ‘Rogner’ në Tiranë gjatë kohës së luftës.

Ai ka thënë se përderisa ai luftonte kundër serbëve, zyrtarët e PDK’së e akuzonin nga Tirana.

“Këta kolegët e PDK-së, këta ma qujshin dezerter edhe prej Rognerit. Prej atëherë më qujshin dezerter, a unë t’u luftu”, ka thënë Haradinaj.

“Unë s’po them që është dezertor, se lufta është e vështirë. Dikush qëndron e dikush s’mun qëndron. Unë s’e kam pas armikun asnjëherë më larg se 300 metra. Këta më akuzojshin: s’po ngon e s’po merr vesh… e kështu”, ka thënë Haradinaj.

Haradinaj, tutje ka treguar se pse ka hyrë në politikë, pas lufte ku shërbeu si gjeneral.

“Kam pasë bindje politike edhe përpara. Bindja për liri dhe për të drejtë të vendit tonë. Mospajtimet mes brezave tonë, janë gjatë gjithë kohës. Edhe gjatë kohës së Titos.Kur i kam pa proceset e reja pas lufte. Polarizimet e atëhershme. Mendova që është me rëndësi që me u kyçë edhe në atë pjesë të re”, ka thënë ai.

Share Messenger

Më të lexuarat