Gjykata Themelore jep detaje rreth vendimit për Frashër Krasniqin
Gjykata jep detaje për masën Gjykata Themelore në Prishtinë e ka liruar Frashër Krasniqi, i cili grushtoi Milaim Zekën, gjatë një debati televiziv.
Deputetit të Vetëvendosjes i është kërkuar të mos rri afër deputetit të Nismës, Milaim Zekës prej 5 metra brenda në Kuvend, ndërsa 100 metra kur është jashtë Kuvendit.
Sipas njoftimit të Gjykatës Themelore, kjo masë e ndalimit vlenë deri me datën 28 tetor 2017.
Ja njoftimi i plotë:
Prishtinë 01 tetor 2017 – Gjykata Themelore në Prishtinë – Departamenti i Përgjithshëm-Divizioni për Çështje Penale, sot ka mbajtur seancën dëgjimore sipas kërkesës së Prokurorisë për caktimin e masës së paraburgimit kundër të pandehurit F.K për veprën penale Lëndim i lehtë trupor nga neni 188 par.1, pika 1.4 të KPRK-së dhe ka marr vendim me ç’rast ka refuzuar kërkesën e Prokurorisë për caktimin e paraburgimit, ndërsa të pandehurit F.K i është caktuar masa e sigurisë që i ndalon afrimin ndaj personit të caktuar, të dëmtuarit M. Z në kuvend 5 m, ndërsa jashtë 100 m. > > Të pandehurit F.K kjo masë i është caktuar nga data e ndalimit të tij, deri me dt.28 tetor 2017.