E humbi vajzën, por Çun Lajçi sapo mori një lajm që e preku thellë në shpirt
Më 19 dhjetor të vitit që lamë pas, vajza e Çun Lajçit pati humbur jetën.
Bubulina ishte aktore me profesion dhe ishte vajza e vetme e aktorit. Humbja të cilën aktori po e vuan ende. Ai thuajse çdo ditë ndanë momente kujtime dhe shpreh mallin ndaj Bubulinës.
Lajçi përmes një shkrimi të gjatë, shkruajtur nga Berni i Zvicrës tregon se si vajza e tij që tashmë nuk jeton, ka fituar lotarinë amerikane, i cili e kishte kuptuar përmes një e-maili.
Ky lajm e ka mërzitur tej mase atë, ndërsa ne iu sjellim vetëm një pjesë të këtij shkrimi të dhimbshëm.
Postimi i plotë pa ndërhyrje:
“Se sa me fat ishe moj sugarica e babës, tregon letra që mbrrini n’imelë adresën time nga USAFIS Immigration Services:Bubulina Lajci, Congratulations! You Are Eligible!E lexova nji herë e dhetëherë, e prap nuk iu besova syve t’mi. Kur e përkëtheva n’Google translate e ndjeva se si filloi me m’u mpi trupi nga habia. A e dini more sa e lumtun do t’ishte sot po ta merrte lajmin! A e dini more hej?Ti tani noton n’barkun e miliona krimbave, e unë n’miliona kujtime digjem për ty e n’heshtje thërras:Urime Grin Carta Bubulinë.